ماتلاحظو المسأله هادي انتشرت كتير

---

السلام عليكم ورحمتو الله وبركاتو

اليوم بطرح لكم موضوع أنا لاحظتو بالأيام الأخيرة قولت أطرحو ونناقش أسبابو مع بعض

هو" مطلقات لم يتجاوزن العشرين" ماتلاحظو أنو هادي الأيام كتير الطلاق وياريت الطلاق العادي

إلا بأعداد كبيرة وبأأعمار صغيرة يعني ألاحظ أنو بعض صاحباتي مساكين دوبهم إتزوجو بعد سنة ولا كم شهر

مطلقة مو بس وحده ولا إتنين كل بعد فترة أسمع وحده مطلقة وأيش عمرها 18 ولا 20 إلخ...........

أنا ماني عارفة أحدد السبب صح كل شي نصيب بس أكيد يكون في أسباب يعني مو معقولة كل البنات هادي تتطلق وبالأعمار دي

ومايكون وراها سبب أنا دايما أقول يمكن يكوم في البنت ياهي تكون هاملة لزوجها أو أنها مهي قد المسؤولية فأن أقولها يابنت الحلال

إذا أنتي مو قد الزواج ومسؤوليتو لاتتزوجي خليكي في بيت أهلك أبركلك أحسن ماترجعي لهم

بعد سنه ولا كم شهر ومو لحاللك إلامعاكي بيبي تظلميه معاكي وتخليه بينك وبين أبوه يتبهدل...

وأحيانا أقول يمكن يكون من الشاب يمكن مع الوضع الحالي صار ماتكفيه وحده ويبغى يعيش على راحتو من غير

مسؤولية يبغى الفلة والسهر والأصحاب

أكيييييد محد يقولو لا عيش حياتك بس بيتك لهو حق وإذا تبغى وقت كلو للفلة

خلاص فلها بس لاتمتحن بنت الناس في عمرها سيبها في حالها خليها في بيت أبوها أبركلها لاتاخدها بعدين ترجعها بعد مايكون خلاص عقتدها....


لا والي يقهر زياده أنو الشاب يخلي بنت الناس معلقة لامطلقة ومتزوجه وبهدلة محاكم وهم ياناس خافو الله حرام عليكم الي بنتسوه في بنات الناس


الله يهدي بناتنا وشبابنا

ياريت إذا عندكم أسباب تانيه تقولوها لأن المسألة فعلا سارت زايده عن الحد

للمناقشه
مدير المافيا

يسلمووووووووووووووو